Պենետիկտոս ԺԶ Քահայանապետը կ`ընդունի Եգիպտոսի նոր դեսպանին հաւատարմագրերը եւ Պոլիվիայի
եպիսկոպոսական դասէն խումբ մը եպիսկոպոսներ
Նոյեմբեր ամսոյն մէջ Պենետիկտոս ԺԶ Քահայանապետը կ`ընդունի չորս նոր դեսպաներու հաւատարմագրերը։
Հինգշաբթի նոյեմբեր 6-ին, Նորին Սրբութիւնը ընդունեցաւ Եգիպտոսի նոր դեսպան` տիկին Lamia
Mekhemar-ին հաւատարմագրերը։ Նոյեմբեր 7-ին Լիթուանիոյ նոր դեսպան` տիար Vytautas Alisauskas-ի
հաւատարմագրերը, ապա Նորին Սրբութիւնը յաջորդաբար պիտի ընդունի Թայուանի եւ Սան Մարինօ
հանրապետութիւններու նոր դեսպանները։
Իսկ այսօր կէսօրին, նորին սրբութիւնը ընդունեցաւ
կաթողիկէ-իսլամ ֆորումին մասնակցողները, թիւով 60 հոգի, ֆորումը կազմակերպուած է միջկրօնական
քահայանապետական խորհուրդէն։ Նախապէս Սրբազան հայրը ընդունեցաւ Պոլիվայի եպիսկոպոսական
համահաւաք դասէն խումբ մը եպիսկոպոսներ` եկած կատարելու իրենց հնգամեայ այցը Ս. Պետրոսի
յաջորդին։
Ի լուր ԱՄՆի նոր նախագահ Պարաք Օպամայի ընտրութեան Պաղտատի
լատիներու եպիսկոպոսը գերապայծառ Jean Sleiman ըսած է. ՙ ՙԴժուար է հաստատել թէ Օպամա
իր նախորդէն աւելի լաւ պիտի ըլլայ, ստոյգ է որ ամերկացիները երկարամեայ ռազմավարութիւն
մը ունին Իրաքի մէջ, հետեւաբար պետական պատճառի հետ կապ ունի, հարկաւոր է որ Ամերիկան
աշխատի աշխարհի խաղաղութեան ու միութեան համար, նուաճելու բաժանումները եւ վերջ տալու
շատերու տառապանքին։ Որպէս պատասխանատու հզօր պետութեան մը ԱՄՆի նոր նախագահին պարտականութիւնն
է կառավարել իր ժողովուրդը արդարութեամբ առանց մոռնալու աշխարհը՚ ՚ ։
Պենետիկտոս
ԺԶ քահայանապետը յառաջիկայ նոյեմբեր 24-ին պիտի ընդունի Մեծի Տանն Կիլիկիոյ Կաթողիկոս
Արամ Ա.ը։
Մեծի Տանն Կիլիկիոյ Կաթողիկոս Արամ Ա Իտալիոյ մայրաքաղաքը պիտի մնայ
նոյեմբեր 23-27 2008 ։
Պենետիկտոս ԺԶ Քահայանապետը Նոյեմբեր 24-ին պիտի ընդունի
Մեծի Տանն Կիլիկիոյ Կաթողիկոսը ։ Վեհաբառ Հայրապետը ծնած է 1947ին։ Ան Մեծի Տանն Կիլիկիոյ
կաթողիկոս ընտրուեցաւ 1995-ին։
Պենետիկտոս ԺԶ Քահայանապետին պատգամը ԱՄՆի
նոր նախագահ Օպամային։
Սրբազան Քահայանապետը պատմական որակեց ԱՄՆի նախագահ Պարաք
Օպամայի ընտրութիւնը։ Նոյեմբեր 4-ին ուղղած պատգամին մէջ Նորին սրբութիւնը իր սիրալիր
խնդակցութիւնը յայտնեց նոր նախագահին, անոր կողակիցին ու զաւակներուն։ Սրբազան Հայրը
կ`աղօթէ նոր նախագահին համար որպէսզի Տէրը լուսաբանէ եւ օգնէ զինք լաւագոյնս կատարելու
իր պաշտօնը ԱՄՆի ժողովուրդին ու միջազգային հասարակութեան բարիքին համար։